«Prostor» jýrnalyna bas redaktor taǵaıyndaldy
Odaqtyń málimetinshe, Qazaqstan Jazýshylar odaǵy Basqarma Tóraǵasy Mereke Qulkenov odaqtyń basshylyq quramymen kelise otyryp, burynǵy «Prostor» jýrnalynyń Bas redaktory, Qazaqstan Jazýshylar odaǵynyń múshesi, aqyn, aýdarmashy Qaırat Baqbergenovtyń ornyna Qazaqstan Jazýshylar odaǵynyń múshesi, belgili aqyn Farhat Tamendarovty taǵaıyndap, ujymǵa jáne redaktsııa qyzmetkerlerine tanystyrdy.
«90 jyldyq tarıhy bar «Prostor» jýrnalyn jańartyp, jýrnaldyń taralymyn kóbeıtetinińe senemin. Aldaǵy jumysyńa tabys tileımin» - dedi Mereke Qulkenov júrekjardy tilegin jetkizip.
Tamendarov Farhat 1959 jyly 18 maýsymda Almaty qalasynda dúnıege kelgen. 1981 jyly Almaty energetıkalyq ınstıtýtyn támamdady.
Alǵashqy kitaby «Úsh injý» degen atpen 1990 jyly, «Kún sáýlesiniń nury» degen ekinshi kitaby 2002 jyly shyqty. 2005 jyly «Alaqandaǵy aına», 2009 jyly «Gýlıstanyń altyn raýshany» atty balalarǵa arnalǵan poema-ertegisi, 2012 jyly «Bir sáttik dem» jyr jınaǵy, 2018 jyly «Ańshy ıtter» prozalyq kitaby jaryqqa shyqty.
Ol – 2012 jyly Ýfa qalasynda ótken «Aq tyrna» halyqaralyq aýdarmashylar baıqaýynyń ıegeri. 2018 jyly Bangkok kalasynda ótken «ÓREH ETsK.A7ІA» ádebı festıvaliniń ekinshi oryn ıegeri. Aıta keteıik, «Prostor» – orys tilinde shyǵatyn ádebı-kórkem jáne qoǵamdyq-saıası jýrnal. Qazaqstan Jazýshylar odaǵynyń organy. 1933 jyldan bastap shyǵady. Ataýy birneshe ret ózgerip, 1960 jyldan beri qazirgi ataýymen atala bastady.
