Promoýterler astanalyqtarǵa aqyly avtoturaqty qalaı paıdalanýdy úıretedi
ASTANA. QazAqparat - Promoýterler kólik ıelerine Astanadaǵy «Nur jol» býlvaryndaǵy parkomatty qalaı paıdalaný qajettigin úıretedi. Bul týraly «QazAqparat» HAA suraǵyna «Astana LRT» JShS-da jaýap berdi.
«Nur jol» býlvarynda 472 oryn bar. Olar aldaǵy ýaqytta aqyly bolmaq.
«Avtoturaqtyń aqyly jumysy iske qosylǵannan keıin alǵashqy aptasynda promoýterler jumys isteıdi. Olar kólik ıelerine parkomatty qalaı qoldaný qajettigin úıretedi. Tólem tarıfteri men tásilderi týraly aqparat beredi», - delingen habarlamada. Ázirge tólem alynyp jatqan joq.
Kompanııa ókilderi túsindirgenindeı, avtoturaqty iske qosqannan keıin kóshe-jol jelisinde baspasóz konferentsııasy ótedi. Sondaı-aq 2017 jyldyń sońyna deıin Astanada 9000 aqyly avtoturaq ornyn qurý josparlanýda, olar eki aımaqta ornalasady.
№1: Týran-Saraıshyq - Máńgilik El - Syǵanaq;
№2: Saryarqa-Bógenbaı batyr-Respýblıka-Naberejnaıa.
