Promoýter Jaqııanovty «temir adam» dep atady
ASTANA. QazAqparat - Irlandııalyq promoýter Barnı Istvýd Janat Jaqııanov (27-2, 18 KO) pen Raıan Barnett (18-0, 9 KO) aıqasy týraly pikirimen bólisti, dep habarlaıdy Sports.kz.
«Raıan sol keshte tamasha óner kórsetti. Ol myqty boksshy, temir adam sanalatyn Jaqııanovty jeńdi. Múmkin, jekpe-jek áserli bolmaǵan shyǵar, biraq jaqsy ótti. Barnett óz oıyn órnegimen tańqaldyryp qana qoımaı, Jaqııanovtyń ony qorqytýyna jol bermedi», - dedi Istvýd Belfast Telegraph-qa bergen suhbatynda.
Jaqııanov - Barnett aıqasy sýdıalardyń biraýyzdan sheshimimen soltústikırlandııalyq boksshynyń jeńisimen aıaqtalyp, Raıan WBA (Super) tujyrymy boıynsha jeńil salmaqtaǵy álem chempıonynyń ekinshi belbeýin ıelendi.
