Promoýter Tom Leffler Golovkınniń bolashaǵy týraly aıtty
Golovkın 2018 jyldyń qyrkúıeginde meksıkalyq Saýl Alvaresten (50-1-2, 34 KO) jeńilip qalǵannan keıin, onyń NVO telearnasymen kelisimshart merzimi aıaqtaldy. Alvares 365 mıllıon dollarǵa DAZN onlaın-strımmıngpen kelisim jasady. Strımmıng Golovkınmen kelisim jasaýǵa da qarsy emes, biraq kompanııa qazaqstandyqtyń promoýter Oskar de La Hoııamen (Golden Boy Promotions) nemese Eddı Hırnmen (Matchroom Boxing) seriktestik etýin talap etip jatyr.
Golovkınniń promoýteri qosymsha nusqa izdep, brıtandyq naryqqa nazar aýdardy. 2016 jyldyń qyrkúıeginde qazaqstandyq Londonda (Ulybrıtanııa) jergilikti chempıon Kell Brýkty (37-2, 26 KO) jeńgen edi. Golovkın Brıtanııada buǵan deıin, odan keıin de boktaspady, dep jazady vringe.com.
«Buryn WBO chempıony Bıllı Djo Sonderspen aıqasýǵa bolar edi. Biraq, ol dopıng synamasynan keıin tıtýlynan aıyryldy. Endi jekpe-jekke shyǵýdyń esh máni qalmady. Bizdi ol Golovkınniń kollektsııasynda jetispeı turǵan tıtýlymen ǵana qyzyqtyrǵan edi», - dedi Leffler.
Leffler 76,2 kelige deıingi salmaq dárejesindegi jeńimpaz Kallým Smıttiń (25-0, 18 KO) nusqasyn eń qyzyqty ekenin atap ótti.
«Brıtanııada taǵy kimdi erekshe atap ótýge bolady? Kallým Smıt azamat. ıÝbenk Dıgeılpen judyryqtasyp jatyr. Onda tanymal boksshylar kóp. Golovkındi Brıtanııaǵa oralý qyzyqtyrady dep oılaımyn. Smıt - jaqsy boksshy. Bul keremet aıqas bolar edi. Biz buryn da salmaqty joǵarylatyp, sýper orta dıvızıonda tıtýl úshin aıqasýdy talqylaǵan bolatynbyz. Biraq, buryn laıyqty qarsylas bolǵan joq», - dep aıtty promoýter.
Eske salaıyq, meksıkalyq Alvares kelesi aıqasyn 76,2 kelige deıingi salmaq dárejesinde WBA chempıony Rokkı Fıldıngke (27-1, 15 KO) qarsy ótkizedi.
«Ózderińiz kórip otyrsyzdar, Alvares Fıldıngpen aıqasý úshin salmaǵyn qosyp jatyr. Onyń sheshimin barlyǵy qoldamasa da, onyń tańdaýy sol. Eger Golovkın de salmaqtan kóteriletin bolsa, tek qana mańyzdy aıqas úshin salmaǵyn joǵarylatady. Eger 76,2 kelide qarjylaı jaǵynan jaqsy nusqalar bolmasa, orta dıvızıonda qalady. Bul áıgili dıvızıon. Golovkınde 72,6 kelige deıin salmaq qosý máselesi joq», - deıdi Leffler.
