Promoýter Golovkınge «Kanelonyń» ornyna basqa qarsylas tapty
NUR-SULTAN. QazAqparat – Ýkraına boksshysy Sergeı Derevıanchenkonyń promoýteri Lý DıBella Gennadıı Golovkınniń (41-1-1, 36 KO) Saýl Alvarespen (54-1-2, 36 KO) úshinshi ret jekpe-jekke shyǵýyn áli de qalamaıdy, dep habarlaıdy QazAqparat Sports.kz saıtyna silteme jasap.
DıBellanyń pikirinshe, bul aıqastyń básekeli bolýy úshin Golovkın basqa álem chempıonymen judyryqtasýy tıis.
«Men GGG-diń Andradege qarsy jekpe-jegin kórgendi qalaımyn», - dedi DıBella.
Eske sala ketsek, Demetrıýs Andrade (29-0, 18 KO) WBO nusqasy boıynsha orta salmaqtaǵy álem chempıony. Gennadıı Golovkınniń bul dıvızıonda IBF jáne IBO belbeýi bar. Sońǵy ótken jekpe-jeginde Golovkın jeti raýndtan keıin Polsha boksshysy Kamıl Sheremetany (21-0, 5 KO) jeńgen bolatyn.
