Promoýter Golovkındi «halyqtyq P4P-chempıon» dep atady
ASTANA. QazAqparat - Gennadıı Golovkınniń (37-0, 33 KO) promoýteri Tom Leffler úzdik pound-for-pound boksshy (salmaq sanatynan tys) ataǵy úshin NVO telearnasy Tvıtterdegi blogynda júrgizgen daýys berýdiń nátıjesine pikir bildirdi, dep habarlaıdy Sports.kz.
«GGG - halyqtyq P4P-chempıon! Únemi tartymdy aıqastar usynyp, eshqashan erejeni buzbaıdy. Oǵan daýys bergen barlyq jankúıerlerge qurmetimdi bildiremin», - dep jazdy Leffler Tvıtterdegi óziniń paraqshasynda.
Aıta keteıik, daýys berý nátıjesinde WBA (Super), WBC, IBF jáne IBO nusqalary boıynsha orta salmaqty álem chempıony Gennadıı Golovkın 38% daýys jınap, úzdik P4P-boksshy atandy.
