Promoýter Golovkın-Alvares jekpe-jegi qaıda ótetinin aıtyp berdi
ASTANA. QazAqparat - K2 Promotions promoýterlik kompanııasy men Gennadıı Golovkınniń promoýteri Tom Leffler qazaqstandyq boksshy men meksıkalyq Saýl «Kanelo» Alvares arasyndaǵy jekpe-jek qaıda ótetinin aıtyp berdi. Bul týraly TMZ.com portalyna silteme jasap Vesti.kz habarlaıdy.
«Golovkın-Alvares jekpe-jeginiń ótetin jeri týraly aıtatyn bolsaq, biz bul máseleni Golden Boy promoýterlik kompanııasy sheshedi dep kelistik. Golovkınge jekpe-jekti qaı jerde ótkizetini mańyzdy emes. Onyń Nıý-Iorktegi «Medıson Skver Gardende» de jankúıerleri kóp. Sonymen qatar Djerrı Djons («Dallas Kovboız» komandasynyń qojaıyny) Golovkınniń jekpe-jegin Dallasta ótkizgisi keletinin aıtty.
Taǵy bir nusqa retinde Las-Vegastaǵy «Dallas Kovboız» kazınosyndaǵy T-Mobile Arena arenasy aıtylyp jatyr. Biraq tańdaý Alvarestiń komandasynda», - deıdi Leffler.
Eske salaıyq, orta salmaqta WBA (Super), IBO, WBC jáne IBF ataqtaryna ıe qazaqstandyq boksshy 19 naýryzda Denıel Djeıkobspen ótkizgen jekpe-jekte tóreshiler sheshimimen jeńiske jetken. «Kanelo» 6 mamyrda ózge meksıkalyq Hýlıo Sezar Chavespen judyryqtasady. Meksıkalyq boksshy óziniń jekpe-jegin ótkizip bolǵannan keıin eki boksshy jazdyń ortasynda kezesý ótkizýi yqtımal.
