Prokýrorlyq tekseris: Aqmola oblysynda ákim qyzmetinen ketti

KÓKShETAÝ. QazAqparat – Bulandy aýdandyq prokýratýrasynyń tekseris qorytyndysy boıynsha Makınsk qalasynyń ákimi qyzmetinen ketti, dep habarlaıdy QazAqparat tilshisi Aqmola oblystyq prokýratýrasynyń baspasóz qyzmetine silteme jasap.

Vedomstvonyń málimetinshe, aýdandyq prokýratýra qylmystyq iske taldaý júrgizgen. Belgili bolǵandaı, 2018 jyly aýdan ortalyǵy ákiminiń aryzy boıynsha kóshe jaryq shamdaryn urlaýǵa qatysty polıtsııa QR QK 188-baby boıynsha is qozǵap, sotqa deıingi tergeý amaldaryn qolǵa aldy. Alaıda, tergeý sharalary ákimniń jaryq shamdarynyń ákimdik balansynda turmaǵany týraly jazbasha anyqtamasy negizinde toqtatyldy. Osyǵan oraı, prokýratýra tarapynan júrgizilgen tekseris kezinde joǵalǵan jaryq shamdary memlekettik satyp alý boıynsha kelisimshartqa satyp alynǵany jáne Makınsk qalasy ákimdiginiń balansynda turǵany anyqtaldy.

«Aýdan prokýratýrasy qylmystyq isti toqtatý týraly zańsyz qaýlynyń kúshin joıyp, qyzmettik jalǵan anyqtama bergen ákimge qatysty materıaldardy jemqorlyqqa qatysty qyzmetke joldady. Bulandy aýdany ákiminiń 2019 jylǵy qyrkúıektiń 13-degi qaýlysymen Makınsk qalasynyń ákimi qyzmetinen ketti. Osyǵan baılanysty memlekettik qyzmetshige qatysty tergeý sharalary toqtatyldy», deıdi vedomstvodan.