Prokýrorlyq taldaý: SQO-da sheneýnikter 54 myń gektar jaıylymdyq jerdi zańsyz berip jibergen

SQO prokýrorlary jer qatynastary salasynda taldaý júrgizý kezinde eldi mekenderge jaqyn jaıylymdardy zańsyz berý bóliginde júıeli zańbuzýshylyqtardy anyqtady, dep habarlaıdy Kazinform Soltústik Qazaqstan oblystyq prokýratýrasynyń baspasóz qyzmetine silteme jasap.

Baspasóz qyzmetiniń málimetterine qaraǵanda, jergilikti atqarýshy organdardyń laýazymdy tulǵalary Jer kodeksiniń talaptaryn buza otyryp, aýyldarǵa jaqyn jerdegi jalpy aýdany 54 myń ga bolatyn 348 jaıylymdyq jerdi zańsyz bergen.

Qadaǵalaý organynyń sharalary boıynsha oblys ákimdigi men oblystyń Jer resýrstaryn basqarý departamenti sotqa talap qoıý arqyly aýdany 38 myń ga 247 jer ýchaskesin qaıtarýdy qamtamasyz etti, qalǵan ýchaskeler boıynsha jumys jalǵasýda.

Qadaǵalaý organynyń usynymdary boıynsha jaıylym tapshylyǵyn joıý maqsatynda ákimdikter eldi mekenderdiń jer kólemin 114 myń gektarǵa ulǵaıtty, sondaı-aq agroónerkásiptik keshen sýbektilerimen jaıylymdarǵa qajettilikti joıýǵa baǵyttalǵan memorandýmdar jasaldy.

«Nátıjesinde óńirde aýyl halqy úshin jaıylymdyq jerlerdegi tapshylyq 538 myńnan 386 myń ga-ǵa deıin azaıdy. Jer zańnamasyn saqtaý máselesi oblys prokýratýrasynyń baqylaýynda»,-delingen Soltústik Qazaqstan oblysynyń prokýratýrasynyń habarlamasynda.