Prokýrorlarǵa paıdakúnemdik maqsatta kúsh qoldanyp jasalǵan qylmystyq isterdiń tergelýin jiti qadaǵalaý tapsyryldy
ASTANA. 21 qyrkúıek. QazAqparat - Búgin Ashat Daýylbaevtyń tóraǵalyq etýimen paıdakúnemdik maqsatta kúsh qoldanyp jasalǵan qylmystar týraly qylmystyq isterdi tergegen jáne sotta qaraǵan kezde zańdylyqty saqtaý máseleleri boıynsha Bas prokýratýra alqasynyń otyrysy ótti. Bul týraly Bas prokýratýranyń baspasóz qyzmetinen málim etti.
Paıdakúnemdik maqsatta kúsh qoldanyp jasalatyn qylmystar problemasy birinshi kezekte, qoǵam úshin teris saldarlarmen, qoǵamǵa qarsy minez-qulyqtyń basty túrtkisi bolyp tabylatyn áleýmettik faktorlarmen baılanysty bolǵandyqtan - ózekti bolyp tabylady. Ol statıstıkamen de rastalady, máselen, paıdakúnemdik maqsatta kúsh qoldanyp jasalǵan qylmystar barlyq tirkelgen qylmystardyń onnan bir bóligin quraıdy. Sońǵy bir jarym jyldyń ishinde ǵana quqyqqa qarsy osyndaı 23 myńnan astam qareketter jasaldy.
Sondyqtan da, qalyptasqan jaǵdaı paıdakúnemdik maqsatta kúsh qoldanyp jasalǵan qylmystardyń aldyn-alýǵa pármendi kózqarastar engizýdi, osy sanattaǵy isterdi tergeý sapasyn arttyrýdy talap etedi. Alqa otyrysynda atap ótilgendeı, profılaktıka júıesinde osyndaı qylmystardyń áleýmettik-quqyqtyq aldyn-alý sharalary ústem bolýy tıis.
Osyǵan baılanysty, Іshki ister mınıstriniń atyna anyqtalǵan zań buzýshylyqtardy joıý, qylmystardyń aldyn-alýǵa baǵyttalǵan pármendi sharalar qabyldaý, olardyń tirkelýine, ashylýy men tergelýine vedomstvolyq baqylaýdy arttyrý týraly usynys engizildi. Paıdakúnemdik maqsatta kúsh qoldanyp jasalatyn qylmystardy jasaýǵa yqpal etetin sebepter men jaǵdaılarǵa udaıy taldaý júrgizýdi jolǵa qoıý usynyldy.
Onymen birge, qylmystardy esepke alýdan jasyrý, azamattardyń konstıtýtsııalyq quqyqtaryn buzý, qylmystyq isterdi tergegen kezde sózbuıdaǵa salý, osy sanattaǵy ister boıynsha zańsyz is júrgizý sheshimderin qabyldaý oryn alǵan jaǵdaıda ishki ister organdary qyzmetkerleriniń derbes jaýapkershiligin kúsheıtýge usynys jasaldy.
Oblystardyń prokýrorlaryna paıdakúnemdik maqsatta kúsh qoldanyp jasalǵan qylmystar týraly qylmystyq isterdiń tergelýin, qylmys týraly aryzdar men habarlardy qaraýdyń is júrgizý merzimderin uzartýdyń zańdylyǵyn qadaǵalaýdy kúsheıtýdi, qylmysqa qarsy kúreste quqyq qorǵaý organdarynyń qyzmetin tıisinshe úılestirýdi qamtamasyz etý tapsyryldy.
