Prokýrorlardyń yqpalymen bıyl «Qazgıdromet» kásipornynda 7 hımııalyq-taldaý zerthanalary iske qosylatyn boldy
ASTANA. Naýryzdyń 4-i. QazAqparat /Aıdar Ospanalıev/ - 2009 jyly qorshaǵan ortany qorǵaý salasyndaǵy quqyq buzýshylyqtar 2008 jylmen salystyrǵanda 50 paıyzǵa, al osy saladaǵy qylmystar sany 30 paıyzǵa qysqarǵan. Bul málimetterdi búgin jýrnalıstermen bolǵan brıfıngte Bas prokýratýranyń resmı ókili Nurdáýlet Súıindikov keltirdi,
dep habarlaıdy QazAqparat.
Onyń derekterine qaraǵanda, atalmysh máseleniń ýaqyt ótken saıyn ózekti bolýyna baılanysty prokýratýra atmosferalyq aýanyń tazalyǵyn saqtaý sharalarynyń zańǵa sáıkestigine tıisti tekserýler júrgizdi. Bul baǵyttaǵy jumystarǵa júrgizilgen saraptaý-saralaý sharalary memlekettik ekologııalyq monıtorıngtiń talapqa saı júzege asyrylmaı otyrǵandyǵyn kórsetti. Onda qadaǵalaý baǵdarlamasy tolyq emes. Arnaıy oryndarda tirkelgen zerthanalardyń jetkiliksizdigi atmosferalyq aýanyń lastanýyn tolyq taldaýǵa múmkindik bermeı otyr. «Mysaly Óskemende atmosferalyq aýaǵa 170 túrli zııandy qaldyqtar tastalatyn bolsa, olardyń 20 paıyzy asa qaýipti bolyp esepteledi. Al arnaıy tirekter tek 17 túrli qaldyqtar boıynsha ǵana qadaǵalaý sharalaryn júrgizýde. Osyǵan baılanysty qazir elde prokýrorlardyń yqpalymen atalǵan kemshilikterdi joıyp, osy baǵyttaǵy jumystardy jáne tıisti zańdardy jetildirý jóninde tıisti sharalar qolǵa alyndy. Bıylǵy jyly elde 9 qadaǵalaý tirekteri men «Qazgıdromet» kásipornyna 7 hımııalyq-taldaý zerthanalaryn iske qosý josparlanyp otyr. Bul baǵyttaǵy jumystar áli tıimdiligin kórsetedi degen oıdamyz», dedi N.Súıindikov.
