Prokýrorlardyń yqpal etýimen 10 myń qylmysker laıyqty jazalaryna kesildi
Bul týraly búgin Astanada prokýratýra organdarynyń birinshi jartyjyldyqtaǵy jumysynyń qorytyndysyna arnalǵan alqa májiliste QR Bas prokýrory Ashat Daýylbaev málim etti.
«Birinshi jartyjyldyqta sottarda 20 myńnan astam - qylmystyq, 43 myń - azamattyq jáne 96 myń ákimshilik isterdiń qaralýyna prokýrorlar qatysty. Prokýrorlar tarapynan memlekettik aıyptaýdy tıimdi qoldaný nátıjesinde laıyqty jazasyna 10 myń qylmysker kesildi»,-dedi Bas prokýror A. Daýylbaev.
Prokýrorlardyń qarsylyǵy boıynsha 613 tulǵaǵa qatysty úkim, sondaı-aq 900-den astam sot aktileri zańǵa saı keltirildi. Munymen qosa, prokýrorlardyń aralsýynan keıin memleket kirisine 2 mlrd. teńgeden astam qarjyny tárkileý týraly sot sheshimderi oryndaldy. Onyń sózine qaraǵanda, 104 myńnan astam azamat kómek izdep, prokýratýra organdaryna júgingen.
