Prokýrorlardyń kómegimen memleketke 850 mln teńgeniń múlki qaıtaryldy
Tekserý nátıjesinde Kemerbastaý aýyldyq okrýgi men Túlkibas kentinde birqatar zańbuzýshylyqtar anyqtalyp, memleketke 850 mln teńgeniń múlki qaıtaryldy.
Oblystyq prokýratýranyń baspasóz qyzmetiniń habarlaýynsha, aýyldyq okrýg pen kent ákimderi atalǵan kommýnaldyq menshikterdi 2014 jyly «El yntymaǵy» JShS-ne jalǵa bergen. Alaıda bul kelisimsharttar «Memlekettik múlik týraly» zań men Sý sharýashylyǵy qurylystaryn jalǵa jáne senimgerlik basqarýǵa berý erejesine qaıshy kelgen. ıAǵnı, ákimder ashyq tenderler ótkizbesten, kelsimsharttar jasasqan.
Aýdan prokýratýrasynyń usynysy boıynsha zańsyz jasalǵan kelisim-sharttar buzylyp, 850,6 mln teńgeniń múlki memleket menshigine ótti. Sebebi, Kemerbastaý aýyldyq okrýginiń sý qubyry júıeleriniń balanstyq quny 205,5 mln, Túlkibas kentiniń 645,1 mln teńge turady.