Prokýrorlardyń arqasynda 142 kásiporyn jalaqy qaryzyn qaıtardy (FOTO)

ASTANA. QazAqparat - Bıyl birinshi jartyjyldyqta prokýrorlar 142 kásiporynǵa tólemegen jalaqylaryn tóletti. Bul týraly búgin eldiń joǵary qadaǵalaý organy alqasynyń keńeıtilgen otyrysynda sóz sóılegen bas prokýror Ashat Daýylbaev habarlady.

«El Prezıdentiniń eńbekaqy tóleý salasyndaǵy azamattardyń quqyqtaryn qorǵaý boıynsha tapsyrmasy oryndalýda. Birinshi jartyjyldyqta prokýrorlardyń aktisi boıynsha jumyskerlerdiń paıdasyna 4 mlrd. teńge óndirip alyndy. Jalpy 59 myń qyzmetkerlerdiń quqyǵy qorǵaldy», - dep habarlady organnyń baspasóz qyzmeti.

Ashat Daýylbaev Almaty men Qaraǵandy oblysy prokýratýrasynyń jumystaryn atap ótti, olar 271 mln-nan astam problemalyq kásiporyndar boıynsha 271 mln teńgeden astam qaryzdy japty.