Prokýrorlar jýrnalısterdi ashyq áńgimege shaqyrdy
ShYMKENT. QazAqparat - Ońtústik Qazaqstan oblysynda prokýrorlar men jýrnalıster erkin formattaǵy dóńgelek ústel basyna jınaldy, dep habarlaıdy QazAqparat HAA tilshisi.
Sharaǵa oblystyq prokýratýranyń basqarma bastyǵy Erbol Eshtaev pen oblystyq Іshki saıasat basqarmasy basshysynyń orynbasary Madııar Álipov qatysyp, BAQ ókilderi men blogerlerdiń saýaldaryna jaýap berdi.
Elbasy N.Nazarbaevtyń «Ult jospary - bes ınstıtýtsıonaldyq reformany júzege asyrýǵa baǵyttalǵan 100 naqty qadam» baǵdarlamasy aıasynda uıymdastyrylǵan basqosýda Erbol Eshtaev prokýratýra organdarynyń ashyqtyǵy men qoljetimdigin arttyrý maqsatynda jasalyp jatqan reforma jaıly baıandap ótti.
«BAQ qyzmetkerlerin eldiń kózi, qulaǵy, bet-beınesi deýge bolady. Óıtkeni memlekette atqarylyp jatqan quqyqtyq reformalar, barlyq jumystar halyqqa jýrnalıster arqyly jetedi. Elimizdegi prokýratýra salasynda da kóptegen ózgeris-jańalyqtar bolyp, tyń jobalar qolǵa alynyp jatyr. Sondyqtan oblys prokýratýrasy jýrnalıstermen ashyq jáne jarııa túrde jumys jasaýǵa árkez daıyn. Qazirgideı kezeńde ár aqparattyń qoljetimdi bolýy mańyzdy», - dedi oblystyq prokýratýranyń basqarma bastyǵy.
Jıyn barysynda Madııar Baqtybaıuly da bul kezdesýdiń negizgi maqsaty saýatty, quqyqtyq qoǵam qurý ekenin málimdedi.
Taraptar pikir almasý kezdesýlerdi aldaǵy ýaqytta da uıymdastyryp turýǵa ýaǵdalasty.
