Jetisý oblysynda kásipkerlerge tıesili 50 mln teńgeden astam qarajat qaıtaryldy

ASTANA. KAZINFORM - Prokýrorlar 160-tan astam kásipkerdiń quqyǵyn qorǵap, olarǵa oryndalǵan sharttar boıynsha tıisti aqshalaı qarajatyn qaıtaryp berdi. Bul týraly Jetisý oblysynyń prokýratýrasy málimdedi. 

«Memlekettik satyp alý týraly zańnamanyń talaptaryna sáıkes, engizilgen kepildik somalar kásipkerlerge óz mindettemelerin oryndaǵannan keıin birden qaıtarylýy tıis bolatyn. Alaıda oblystyń medıtsınalyq mekemeleri mindettemelerdiń ýaqtyly oryndalýyna qaramastan, bir jyldan astam ýaqyt ishinde 50 mln teńge kóleminde tıesili aqshany qaıtarmaǵan», — delingen habarlamada. 

Qadaǵalaý aktisi boıynsha kásipkerlerge qarajat qaıtaryldy, al zań buzýshylyqtarǵa jol bergen laýazymdy 30 azamat jaýapqa tartyldy.