Prokýrorlar sottaǵy sózin daıyndaý úshin jasandy ıntellekt tehnologııasyn qoldanbaqshy
ASTANA. KAZINFORM – Bas prokýratýra 2024 jyldyń birinshi jarty jyldyǵynda atqarylǵan jumystarǵa qorytyndy jasady. Prokýratýra organdarynyń zańdylyqty saqtaý, quqyq tártibin qamtamasyz etý jáne qylmystylyqpen kúres boıynsha qadaǵalaý qyzmetiniń nátıjeleri belgili boldy. Bul týraly Qazaqstan Respýblıkasynyń Bas prokýrory Berik Asylov «Egemen Qazaqstan» gazetine bergen suqbatynda aıtty.
«Bizdiń jumysymyzda basymdyq beriletin baǵyttardyń biri — Bas prokýratýranyń Quqyqtyq statıstıka jáne arnaıy esepke alý jónindegi komıtetiniń áleýetin arttyrý. Atalǵan komıtet jańa tsıfrly jáne ınnovatsııa tehnologııalardy engizý, jasandy ıntellektti qoldaný boıynsha úlken jumystar jasap jatyr. Prokýrordyń sottaǵy sózin daıyndaý úshin jasandy ıntellekt tehnologııasyn qoldanatyn ınnovatsııalyq modýl ázirlendi», — dedi Bas prokýrory Berik Asylov.
Onyń aıtýynsha, qylmystyq jáne ákimshilik sot óndiristeri, tekserýler taǵaıyndaý, azamattardyń ótinishterine qaraý tsıfrlandy. Ákimshilik quqyq buzýshylyqtardyń biryńǵaı tizilimi, Tekserý sýbektileri men obektileriniń biryńǵaı tizilimi, «Taldaý ortalyǵy», «Quqyq qorǵaý, arnaıy jáne basqa da organdardyń aqparat almasý júıesi» jáne «Qadaǵalaý» BATJ jasalyp, jumys atqarylyp jatyr.
Buǵan deıin Úkimet 5 jyldyq Jasandy ıntellektti damytý tujyrymdamasyn qabyldaǵanyn jazǵan bolatynbyz.
