Prokýrorlar SQO-da memlekettik qoryqtardyń jumys istemeı turǵanyn anyqtady
PETROPAVL. QazAqparat - Soltústik Qazaqstan oblysynyń tabıǵatty qorǵaý prokýratýrasy jergilikti mańyzy bar eki erekshe qorǵalatyn tabıǵı aýmaqtyń jumys istemeı turǵanyn anyqtady, dep habarlady oblys prokratýrasynyń baspasóz qyzmetine silteme jasap «QazAqparat» HAA tilshisi.
«Aqjan» jáne «Aqsýat» memlekettik tabıǵı qoryqtaryn qurǵan sátten bastap olardy tabıǵatty qorǵaý uıymdaryna bekitpegen. Munda qoryqshy qyzmeti joq. Tıisinshe, baǵaly, sırek kezdesetin, joǵalyp ketý qaýipi bar ósimdik, janýarlardy saqtaý, qalpyna keltirý sharalary júrgizilmegen. Infraqurylymdy qurý jáne qoryqty ustaý úshin bıýdjetten aqsha bólinbegen.
Baspasóz qyzmeti qadaǵalaý organynyń qabyldaǵan sharalary nátıjesinde bıyl qoryqtardy ustaýǵa 4,4 mln teńge bólindi, qoryqshy qyzmeti quryldy, torýyldaý úshin kólik satyp alynǵandyǵy aıtylady. Qazir memlekettik tabıǵı qoryqtar ózderine júktelgen mindetterin júzege asyrýda.
