Prokýrorlar óńirlerde halyqty qabyldaıtyn ortalyqtar ashady
«Osydan bir aı buryn Bas prokýratýrada halyqty qabyldaıtyn arnaıy ortalyq ashtyq. Onda adamdardyń tipti sotqa jaza almaı júrgen aryzdaryn jazyp berip otyrmyz, biraq bul bizdiń mindet emes. Olardyń aqshasy joq, óıtkeni advokattardyń qyzmeti qymbat. Bul zań jobasyn qabyldasańyzdar, bizdiń basty mindet - ol halyqtyń senimin aqtaý», - dep toqtaldy Bas prokýror.
Onyń sózine qaraǵanda, halyqty qabyldaıtyn oryndar barlyq oblystyq ortalyqtarda qurylady, aldaǵy ýaqytta sonymen qatar aýdandar men qalalarda da bolady.
«Eki aıda Bas prokýratýrada birinshi qabatty tolyq halyqqa beretin bolamyz. Olar esh kedergisiz kósheden kiretin bolady. Ol ortalyqqa halyqqa quqyq qorǵaý qyzmetterin kórsetemiz», - dedi Jaqyp Asanov.
Aıta keteıik, Májilistiń jalpy otyrysynda palata depýtattary «Prokýratýra týraly» zań jobasyn maquldady. Atalǵan zań jobasynda joǵary qadaǵalaýdyń shekteri men nysandary aıqyndalǵan, onyń negizgi baǵyttary naqtylanǵan, memlekettik organdar men kásipkerlik sýbektiler qyzmetiniń zańdylyǵyn saqtaý úshin joǵary qadaǵalaýdyń shekaralary belgilendi.