Prokýrorlar oqýshylardyń «VKontakte» jelisindegi akkaýnttaryn óshirgizdi

ASTANA-QYZYLORDA. QazAqparat - Qyzylorda oblysynyń prokýrorlary ata-analarmen birge oqýshylardyń "VKontakte" áleýmettik jelisindegi akkaýnttaryn óshirgizdi, dep xabarlaıdy QazAqparat.
None
None

"Sońǵy kezderi áleýmettik jeliler men WhatsApp mobıldik qosymshasynda jastar arasynda sýıtsıdti nasıhattaıtyn «Kók kıt», «Meni 4:20-da oıat», «Kıtter teńizi» ataýly paraqshalardan saq bolýǵa shaqyratyn aqparattar keńinen taralýda. Qyzylorda oblystyq prokýratýrasy jastardyń qaýipsizdigin qamtamasyz etý jumystary, atalǵan aqparattyń jeli qoldanýshylar arasynda keńinen taralýyna deıin qolǵa alynǵan. Atap aıtqanda, oblystaǵy 26 mekteptiń 106 oqýshysy «VKontakte» áleýmettik jelisiniń sýıtsıdti nasıhattaıtyn paraqshalaryna tirkelý derekteri 2016 jyly anyqtalǵan bolatyn. Shuǵyl sharalar qoldanylyp, ata-analardyń qatysýymen barlyq oqýshylardyń akkaýnttary óshirildi. Árbir oqýshyǵa jasalǵan jeke jospar boıynsha psıhodıagnostıkalyq jumystar uıymdastyryldy", - delingen Qyzylorda oblystyq prokýratýrasynyń baspasóz xabarlamasynda.

Mektep psıhologtary oqýshylardyń ata-analarymen tyǵyz baılanys ornatyp, balalarǵa birlesken baqylaý júrgizýde. Qazirgi tańda, oqýshylardyń psıhıkalyq kóńil-kúıleri qalypty jaǵdaıda, belgili bolǵandaı balalardy bul áreketke jaı ǵana oıynǵa degen qyzyǵýshylyq ıtermelegen.

Jyl basynan mundaı paraqshalarǵa Qyzylorda jastarynyń tirkelý faktileri anyqtalǵan joq, kámeletke tolmaǵandar arasynda birde-bir sýıtsıd faktisi tirkelmegen.

Oblystyq prokýratýranyń bastamasy boıynsha ýákiletti organmen sýıtsıdti nasıhattaıtyn 30 ınternet-paraqshalar buǵattalǵan. Degenmen, qaskúnemder úshin ataýyn ózgertip sol mazmundaǵy basqa paraqsha ashý qıyn emes.

Sondyqtan, sabaq ýaqytynda da, úıde de balanyń kóńil kúıine, júris-turysyna nazar aýdaryp, ınternetke baqylaýsyz kirýine jol bermeý usynylady.

Сейчас читают