Prokýrorlar kásipkerler quqyn qorǵady
ASTANA. 19 sáýir. QazAqparat /Qanat Mámetqazyuly/ - Qaraǵandy oblysy Abaı aýdany prokýrorlary kásipkerler tarapynan jasalǵan narazylyqtar boıynsha 16 kásipkerdiń konstıtýtsııalyq quqyqtaryn qorǵady.
Bul týraly QazAqparat QR Bas prokýratýrasynyń baspasóz qyzmetine silteme jasap habarlaıdy.
«Atap aıtqanda, Abaı aýdanynyń prokýratýrasy QR Aýyl sharýashylyǵy mınıstrliginiń agroóndiristik kesheniniń Abaı aýdandyq aýmaqtyq ınspektsııasynyń mindetti saqtandyrý sharttaryn bekitýge mindetti tulǵalardyń atalǵan sharttardy bekitýden jaltarý derekteri boıynsha ákimshilik quqyq buzýshylyq týraly ister boıynsha shyǵarǵan qaýlylarynyń zańdylyǵyna tekseris ótkizdi. Tekseris barysynda mınıstrliktiń agroóndiristik kesheniniń Abaı aýdandyq aýmaqtyq ınspektsııasy 2010 jyly 16 sharýa qojalyqtarynyń basshylaryn QR «Ósimdik sharýashylyǵyndaǵy mindetti saqtandyrý týraly» Zańynyń talaptaryn buzyp, ósimdik sharýashylyǵynda mindetti saqtandyrý sharttaryn bekitpegenderi úshin Ákimshilik quqyq buzýshylyq týraly kodeks boıynsha jaýapkershilikke tartqany anyqtalǵan. Al kásipkerlerdiń túsiniktemelerine sáıkes olar mindetti saqtandyrý sharttaryn saqtandyrýshylarda ósimdik sharýshylyǵyndaǵy mindetti saqtandyrý sharttarynyń blankteri bolmaýyna baılanysty bekite almaǵan. Osyǵan oraı, prokýrorlyq tekseris barysynda Qaraǵandy oblysynyń aýmaǵynda ósimdik sharýashylyǵyndaǵy mindetti saqtandyrýmen tek úsh saqtandyrý kompanııalary aınalysatyny anyqtaldy. Sonymen qatar, atalǵan úsh saqtandyrý kompanııasynyń da Abaı aýdanynyń aýmaǵynda ókildikteri joq, al bul QR «Ósimdik sharýashylyǵyndaǵy mindetti saqtandyrý týraly» Zańy tarmaqshasyna qaıshy kelip otyr. Demek, sharýa qojalyqtary basshylarynyń mindetti saqtandyrý sharttaryn bekitýden jaltarý derekteriniń jetkilikti dálelderi tabylmaǵan jáne olardyń kinási dáleldenbegen», - delingen baspasóz aıǵaǵynda. Budan bólek, prokýratýra ókilderi 2010 jyly Abaı aýdanynyń jergilikti atqarýshy organynyń zań talaptaryn buza otyryp, ósimdik sharýashylyǵy salasyndaǵy mindetti saqtandyrý jumystaryn tıisti túrde uıymdastyrmaǵandyǵyn anyqtap otyr. «Aýdanda aýmaqtyń tabıǵı-klımattyq erekshelikterine sáıkes ósimdik sharýashylyǵynyń túrleri boıynsha egin egý jumystaryn bastaý jáne aıaqtaýdyń ońtaıly merzimderi belgilenbegen. Sonymen qatar, joǵaryda atalǵan saqtandyrý kompanııalarynyń ótinish nysandarynyń blankteri men saqtandyrý sharttarynyń bolmaýyn syltaýratyp mindetti saqtandyrý kelisimsharttaryn bekitýden jaltarý derekteriniń dáleldenýi de aýdannyń jergilikti atqarýshy organynyń ósimdik sharýashylyǵy salasyndaǵy jumysty tıisti túrde uıymdastyrmaǵanyn kórsetedi. Osyǵan qaramastan, barlyq 16 sharýa qojalyqtarynyń basshylary ákimshilik quqyq buzýshylyq jasaýda zańsyz túrde kináli dep tanylyp, 71 000 teńgeden 141 000 teńgege deıingi ákimshilik aıyppuldar tóleýge jazalanǵan. Osyǵan baılanysty, aýdan prokýratýrasy Abaı aýdandyq sotyna narazylyqtaryn engizip, sot jalpy somasy 1 mln. 660 myń 275 teńge quraıtyn ákimshilik aıyppuldar tóleý sharasyn da buzdy», - delingen baspassóz aıǵaǵynda.
