Prokýrorlar atyraýlyq oqýshylardyń oqýlyqtar alýyna kómektesti
«Atyraý oblysynyń Jylyoı aýdanyndaǵy 20 mektepte 2016-2017 oqý jylyndaǵy oqýlyqtar sany 653 myń 337-ni qurady. Alaıda oqý protsesin tolyqtaı qamtamasyz etý úshin taǵy 9026 oqýlyq qajet edi. Atalǵan oqýlyqtardyń 7026-y oqý baǵdarlamasynan shyǵyp qalǵan eski oqýlyqtarmen almastyrylǵan. Osylaı bolǵan kúnniń ózinde taǵy 2 myń oqýlyq jetispedi. Keıbir ata-analar oqýlyqtardyń birqataryn óz aqshalaryna satyp alýǵa májbúr bolǵan. Bul árıne, olar tarapynan narazylyq týdyrǵan edi. Osyǵan baılanysty jaǵdaıǵa aýdan prokýratýrasy aralasyp, bıýdjetten qosymsha 153 mln teńge bólinýine yqpal etti jáne oǵan jańa oqýlyqtar satyp alyndy»,-dedi Atyraý oblystyq prokýratýrasynyń baspasóz qyzmeti.
Jylyoı aýdanyndaǵy mektepterde oqýlyqtardyń jetispeýshiligimen baılanysty jaǵdaıǵa prokýratýra ókilderi oqýshylar sanyna sapasyz boljam jasaldy degen baǵa berdi jáne oqýlyqtardyń satyp alýda qosymsha tetikterdi iske qosý sharasy qolǵa alynbaǵan. Osy kezde aýdanda oqýlyqtardyq jetkiliksizdigimen baılanysty másele sheshimin tapty.