Prokýrorlar Atyraý oblysynyń dárihanalaryn tekserip jatyr
ATYRAÝ. QazAqparat – Atyraý oblysynda prokýrorlar dárihanalardy tekserip, alyp-satarlarmen kúres júrgizip jatyr, dep habarlaıdy QazAqparat.
«Oblys prokýrorynyń qaýlysymen quqyq qorǵaý jáne memlekettik organ qyzmetkerlerinen turatyn arnaıy jumys toby quryldy. Búginde oblys prokýratýrasy dári-dármekterdi baǵasyn asyryp satýdyń 30 faktisin anyqtaǵan. Ókiletti organ segiz dárihanany ákimshilik jaýapqa tartty. Árbir dárihanaǵa 361 140 teńge kóleminde aıyppul salyndy», - dep málimdedi oblys prokýrorynyń aǵa kómekshisi Qanat Qabdolova.
Ol oblystyq prokýratýramen birlesken jumys kezinde quqyq qorǵaý organdary dáriler men medıtsınalyq buıymdardy zańsyz satýdyń alty faktisi anyqtalǵanyn baıandady. Bul dári-dármekter tıisti tirkeýsiz úıde, baǵasy asyrylyp satylǵan. Tergeý barysynda zańsyz aınalymnan 7500 dárilik preparat, 180 000 medıtsınalyq maska alynǵan. Olardyń barlyǵy densaýlyq saqtaý basqarmasyna tapsyrylady.
Vıktor Sýtıagın
