Prokýrorlar 455 kg bekire tuqymdas balyqty zańsyz aýlaǵandardy ustady

AQTAÝ. KAZINFORM — Mańǵystaý oblysynda iri kólemde bekire tuqymdas balyqty zańsyz aýlaǵandar qolǵa tústi. Bul týraly Mańǵystaý oblysy prokýratýrasy málim etti.

— «Zań jáne Tártip» qaǵıdatyn oryndaý maqsatynda Mańǵystaý oblysynyń Mamandandyrylǵan tabıǵat qorǵaý prokýratýrasy RMQK «Ohotzooprom» qyzmetkerlerimen birlesip, 10.08.2025 jyly balyq ónimderiniń zańsyz aınalymyn aldyn alý maqsatynda reıdtik is-shara ótkizdi. Іs-shara barysynda Túpqaraǵan aýdanynyń «Aşymuryn» teńiz jaǵalaýynda azamat «N» basqarýyndaǵy «Toyota Land Cruiser 100» markaly avtokóligi toqtatylyp, onyń júk salǵysh bóliginen jalpy salmaǵy 455 kg quraıtyn (barlyq Kaspıı mańy elderinde aýlaýǵa moratorıı jarııalanǵan) bekire tuqymdas balyqtary anyqtaldy, — delingen habarlamada.

Atalǵan derek, QR QK-niń 339-babymen (Sırek kezdesetin jáne joıylyp ketý qaýpi tóngen janýarlarmen zańsyz aınalysý) sotqa deıingi tergep-tekserýdiń biryńǵaı tizilimine tirkeldi.

Tergep-tekserý Túpqaraǵan aýdanynyń polıtsııa bólimine tapsyryldy, qylmystyq is boıynsha birqatar tergeý áreketteri júrgizilip jatyr.

 Sonymen qatar sırek kezdesetin, joıylyp ketý qaýpi tóngen jáne paıdalanýǵa tyıym salynǵan janýarlardy zańsyz óndirý, satyp alý, saqtaý, ótkizý, tasymaldaý qylmystyq jaýaptylyqqa ákep soqtyratyny eskertildi.