Prokýrorlar 180 myń adamnyń 8 mıllıard teńge jalaqylaryn alýyna yqpal etti
ASTANA. Qarashanyń 26-sy. QazAqparat /Aıdar Ospanalıev/ - Jyl basynan beri prokýratýra organdary 180 myń adamnyń jalpy somasy 8 mıllıard teńgeni quraıtyn jalaqylarynyń berilýine uıtqy boldy.
Bul týraly búgin jýrnalıstermen bolǵan brıfıngte Bas prokýratýranyń resmı ókili Nurdáýlet Súıindikov málim etti, dep habarlaıdy QazAqparat.
Onyń sózine qaraǵanda, arnaıy júrgizilgen monıtorıng jumystarynyń nátıjeleri boıynsha prokýratýra jalaqy máselesine baılanysty jaǵdaıdy retteýge aıtarlyqtaı ıgi yqpal etip otyr. «Alaıda, jalaqyny ýaqytynan keshikterý áreketteri áli de bolsa oryn alýda», dedi resmı ókil.
Onyń málimetteri boıynsha, jalaqy máselesi qazir jergilikti prokýrorlardyń da basty nazarynda. Olardyń yqpalymen Aqmola oblysynyń «Jańa jer» jaýapkershiligi shekteýli seriktestigi 300 adamǵa 35 mıllıon teńge qaryzyn qaıtaryp berse, Qostanaı oblysynyń «Qostanaıqurylysservıs» JShS 16 mıllıon teńge qaryzyn qaıtarýǵa májbúr boldy. Sondaı-aq Almatydaǵy «Almaty qanty» aktsıonerlik qoǵamy prokýrorlardyń kúshimen 680 jumysshynyń 20,8 mıllıon teńgesin qaıtardy», dedi resmı ókil.
