Prokýrorǵa para bermek bolǵan kazıno ókili 2 aıǵa qamaýǵa alyndy

ASTANA. QazAqparat – Prokýratýra qyzmetkerine para usynǵan kazıno ókili 2 aıǵa qamaýǵa alyndy, dep habarlaıdy QazAqparat Bas prokýratýraǵa silteme jasap.

«Sybaılas jemqorlyqqa qarsy qyzmettiń Aqmola oblysy boıynsha departamenti Bas prokýratýranyń Іshki tergep-tekserý departamentimen birlesip «Cash Ville» kazınosy teksergen. Tekserý kezinde kazıno ókili prokýratýra qyzmetkerine para usynǵan.Kúdikti 20 myń AQSh dollary kóleminde para bermek bolǵan. Bul fakti tirkeýge alyndy. Qazirgi kezde Qylmystyq kodekstiń 367-babynyń 2-bóligi boıynsha sotqa deıingi tergeý bastaldy. 2023 jyldyń 28 qańtarynda Kókshetaý qalasynyń tergeý soty kúdiktige 2 aı merzimge qamaýǵa alý túrindegi bultartpaý sharasyn sanktsııalady», - delingen habarlamada.