Prokýrorǵa para bergen aqtóbelik dırektor 22,5 mln teńge aıyppul tóleıdi

AQTÓBE. QazAqparat - Júıke aýrýyna shaldyqqandardy emdeıtin ınternat úıiniń dırektory Klava Pan para bergeni úshin kináli dep tanyldy, dep habarlaıdy QazAqparat tilshisi.

Qylmystyq kodekstiń «Para berý» baby boıynsha iz qozǵalyp, júıke aýrýyna shaldyqqandardy emdeıtin ınternat úıiniń dırektory Klava Pan sot aldynda jaýap berdi. Ol prokýror tekserisiniń esh kedergisiz ótýin qamtamasyz etpek bolǵan. Іs kelisim boıynsha qysqartylǵan tártipte ótti.

Búgin №2 Aqtóbe qalalyq sotynda úkim shyqty.

«Klava Pan Qylmystyq kodekstiń «Para berý» baby boıynsha aıypty dep tanylyp, 1,5 mıllıon teńgeni 15 eselengen túrinde, ıaǵnı, 22,5 mıllıon teńge etip qaıtarý jazasy taǵaıyndalsyn», - dedi sýdıa Aınur Bekmuhambetova.

Aıta keteıik, sottalýshy Klava Pan «Shapaǵat» medalinen de aıyryldy.

Sot úkimi zańdy kúshine engen joq.