Prokýrordyń áıelimin: Qyzylorda prokýratýrasy jelide taraǵan vıdeoǵa jaýap berdi

QYZYLORDA. QazAqparat - Qyzylorda oblystyq prokýratýrasy áleýmettik jelide jarııalanǵan beınejazbaǵa resmı jaýap berdi. Vıdeoda oblys prokýrorynyń áıeli dórekilik jasady dep aıtylǵan bolatyn, dep habarlaıdy QazAqparat tilshisi.

Qyzylorda oblystyq prokýratýrasy atalǵan beınejazbanyń shyndyqqa janaspaıtynyn málim etti.

«Áleýmettik jelide «Qyzylorda oblysy prokýrorynyń áıeli kúzetshilerge dórekilik jasady» degen sıpatta beınejazba tarap jatyr. Bul - shyndyqqa janaspaıtyn aqparat. Oblys prokýrorynyń áıeliniń aty jóni - Bıjanova Tatıana Anatolevna. Ulty - orys. Taralǵan vıdeodaǵy basqa áıel. Jala jaýyp, jalǵan aqparat taratýshylarǵa zańmen kózdelgen tártipte jaýapkershilik qaralatynyn nazarǵa salamyz», - dep jazylǵan Qyzylorda oblystyq prokýratýrasy taratqan habarlamada.

Eske salsaq, budan buryn Qyzylordada medıtsına qaldyqtaryn joıý talaptaryn buzǵandarǵa 186 aıyppul salynǵan edi.

Vıdeodan alynǵan skrın