Prokýror jol-kólik apatynan keıin qyzmetinen bosatyldy
ASTANA. QazAqparat - Máskeý túbindegi Elektrostal prokýrory mototsıklshi zardap shekken jol-kólik apatynan keıin qyzmetinen bosatyldy, dep habarlady TASS Reseıdiń Bas prokýratýrasynyń baspasóz qyzmetine silteme jasap.
«9 tamyzǵa qaraǵan túni Máskeý oblysy Nogınskıı aýdany Staraıa Kýpavnıada Elektrostal prokýrory Nıkolaı Shıpýnov júrgizgen kólik jol-kólik apatyna ushyrady. Osyǵan baılanysty prokýratýra organdary qyzmettik tekseris júrgizdi. Nátıjesinde Shıpýnov Bas prokýrordyń m.a. Aleksandr Býksmannyń buıryǵymen 10 tamyzda qyzmetinen bosatyldy», - dep habarlady vedomstvoda.
Máskeý túbindegi quqyq qorǵaý organdary málim etkendeı, prokýror kóligi baıkermen soqtyǵysqan. Baıker aýyr jaraqattandy. Aqparat kózi atap ótkendeı, aldyn ala boljam boıynsha kólik rýlinde prokýrordyń ózi bolǵan.
