Prokýror sýdıany atyp óltirdi
ASTANA. QazAqparat - RF Bashkırııa respýblıkasynda ań aýlaýǵa shyqqan Belokataıskıı aýdanaralyq sotynyń sýdıasy qaza tapty.
Ony Mechetlınskıı aýdanynyń prokýrory ańdamaı atqan, dep habarlady 17 qarasha kúni TASS respýblıkanyń quqyq qorǵaý organdaryna silteme jasap.
«Prokýror sýdıanyń arqasynan baıqamaı atqan, ol alǵan jaraqatynan aýrýhanada kóz jumdy», - dedi agenttikke suhbat berýshi.
Mash Telegram-arnasynyń málimetine súıensek, sýdıa, prokýror jáne TJM qyzmetkeri elik aýlaýǵa shyqqan. Ańshylar janýarlar otaryn tez tapqan, qarýlanǵan prokýror kólikten shyqqan, al joldastary elikterdi oǵan qaraı qýǵan. Ókinishke oraı, prokýrordyń atqan oǵy elikke emes, sýdıaǵa tıgen.
