Prokýror Seıitqazy Mataevtan tólenbegen salyqty óndirip alýdy surady
«Sotqa deıingi tergeý boıynsha, 2011-2015 jyldar aralyǵynda S.B. Mataev bas paıdasyn oılap, salyq deklaratsııasynyń 100.00, 200.00 ı 101.04 formalaryn tapsyrmaý jolymen asa iri kólemdegi salyq tóleýden jaltarǵan», - dedi prokýror Erjan Quraqbaev.
Memlekettik aıyptaýshynyń aıtýynsha, Seıitqazy Mataev 2011 jyly memleketke salyq tólemeı 56 mln teńgeden astam shyǵyn keltirgen.
Dál osylaı 2012 jyly da S.Mataev salyq organdaryna sáıkes deklaratsııa tapsyrmaı, memleketke 54 mln teńge, al 2013 jyly - 49 mln teńge, 2014 jyly - 52,5 mln teńge, 2015 jyly - 4,6 mln teńge shyǵyn keltirgen.
Odan bólek, Mataev Ulttyq baspasóz klýby esepshotyna túsken qarjydan 50 600 100 teńge kólemindegi aqshalaı qarajat jeke tulǵalardyń kartalyq shotyna aýdarylǵan, al QR rezıdenttik emes zańdy tulǵalar esepshotyna demeýshilik kómek retinde 5 858 800 teńge aýdarylǵan.
«Osylaısha, S.Mataev 2011-2015 jyldar aralyǵynda 216 952 683 teńge bolatyn asa iri kólemdegi salyq salý nysandaryn jasyryp, mindetti bolyp tabylatyn deklaratsııalardy ótkizbeý jolymen salyqtan jaltarǵan», - dedi prokýror E. Quraqbaev.
