Prokýror ólimine kúdikti ustaldy
BІShKEK. QazAqparat - Batkende oblystyq prokýror Anarbaı Masajaqypovtyń ólimine kúdikti ustaldy. Ol osy qala meriniń qyzmetkeri bolyp shyqty, dep habarlaıdy Kabar agenttigi Іshki ister mınıstrligine silteme jasap.
Vedomostvonyń derekterine qaraǵanda, aldymen kúdikti ustalǵan, sodan keıin ǵana prokýrordyń ólgeni anyqtalǵan.
Ol Lexus rýlinde bolǵan, mashınany prokatqa alyp, óziniń tanys prokýrorymen kezdesken. Sol kúni ekeýin birge kórgen kýágerler bar. Sondaı-aq prokýratýra qyzmetkerleri de baıqaǵan. Sheneýnik mas bolǵan. Qadaǵalaý organdarynyń qyzmetkerleri odan áriptesiniń qaıda ekendigin suraǵanda, eshteńe bilmeıtindigin aıtqan. Budan soń shaqyrylǵan mılıtsııa mashınadan qannyń izin tapty.
«Sol zamatta barlyq qyzmetkerler dabylmen kóterildi. Anyqtalǵandaı, kúdikti taýǵa, sý qoımasy aýmaǵyna barǵan. Osy baǵyt boıynsha izdeý júrgizilip, prokýrordyń óli denesi tabyldy. Ony pyshaqtaǵan jáne atqan. Bul - asa aýyr qylmys», - dedi mınıstrlikten.
