Prokýror Meshimbaevaǵa 8 jyl bas bostandyǵynan aıyrý jazasyn taǵaıyndaýdy surap otyr
ASTANA. QazAqparat - Búgin Astanada Esil aýdandyq sotynda prokýror QR Statıstıka agenttiginiń burynǵy basshysy Anar Meshimbaevaǵa 8 jyl bas bostandyǵynan aıyrý jáne jeke múlkin tárkileý jazasyn taǵaıyndaýdy surady, dep habarlaıdy "QazAqparat" tilshisi.
"Meshimbaevany 176-baptyń 3-tarmaǵy "b" pýnkti boıynsha kináli dep taýyp, ony 8 jylǵa bas bostandyǵynan aıyrýdy jáne belgili bir laýazymdy qyzmetti atqarýǵa 5 jylǵa deıin tyıym salýdy, jeke múlkin tárkileýdi suraımyn", - dedi prokýror Dáýren Áshimov. Aıta keteıik, dál qazir sotta taraptardyń jaryssózderi ótýde. Prokýror Meshimbaevany jalpy rejımdegi kolonııada jazasyn óteý týraly suranysyn da naqtylaı ketti.
Aıta keteıik, Meshimbaeva memleketke 558 mıllıon 249 myń 409 teńge kóleminde zalal keltirdi degen aıyp taǵylýda.
