Prokýror men polıtsııaǵa jala japqan Balqash turǵyny sottaldy
ASTANA. QazAqparat - Balqashta turatyn Sanat Búkenov atty azamat qalalyq polıtsııa bólimi basshysynyń orynbasary men Balqashtyń prokýroryna jala japqany úshin tórt jylǵa sottaldy, dep habarlaıdy QazAqparat.
Qaraǵandy qalasyndaǵy №1 Qazybek bı aýdandyq sotynan habarlaǵandaı, Sanat Búkenov Balqash qalasy polıtsııa bólimi basshysynyń orynbasary Darhan Aýǵanov esirtki saqtaǵany úshin qolǵa túsken jigittiń anasynan 50 myń dollar kóleminde para talap etip otyr degen mátinde Memlekettik qyzmet isteri jáne sybaılas jemqorlyqqa qarsy kúres agenttigi tóraǵasynyń atyna resmı aryz túsirgen. Aryz Balqashqtyń jemqorlyqqa qarsy qyzmetine tapsyrylyp, sotaldy tergeý bastalǵan. Jemqorlyqtyń belgileri tabylmaǵan soń, sybaılas jemqorlyqqa qarsy kúres qyzmeti tergeýdi toqtatqan.
Sanat Búkenov alaıaqtyq úshin sottalǵan taǵy bir áıeldiń qorǵaýshysy retinde Qaraǵandy oblystyq sotynyń apellıatsııalyq alqasynda Balqash qalasynyń prokýrory Muhtar Tilegenovti paraqor dep aıyptaǵan. Sanat Búkenovtiń aryzy negizinde tergeý bastalyp, biraq, prokýrordyń para alǵany dáleldenbegen.
Sondyqtan, Sanar Búkenov Qylmystyq kodekstiń 419 baby 3 tarmaǵy boıynsha jalǵan aqparat taratqany úshin aıyptalǵan.
«Sanar Búkenov kinásin moıyndamasa da, sot onyń kinásin tolyq dáleldep, ony tórt jylǵa sottady. Ol Qazaqstan Respýblıkasy Táýelsizdiginiń 25 jyldyǵyna baılanysty jarııalanǵan raqymshylyqqa iline almaıdy, sebebi, ol zań jalǵan aqparat taratqandarǵa qatysty qoldanylmaıdy»,-dedi úkimdi oqyǵan Qazybek bı aýdanynyń soty Janat Egemberdıev.
Sanat Búkenov endi tórt jylyn jalpy rejımdegi túzeý kolonııasynda óteıtin boldy
