Prokýror QazUAÝ stýdentin óltirdi dep kúdik keltirilgen Asamovqa 9 jyl surady
ALMATY. QazAqparat - Prokýror sottalýshy Asamovqa 9 jyl berýdi surady, dep habarlaıdy QazAqparat tilshisi sot zalynan.
«Toıshybek Asamov 1-kýrs stýdenti Bolysbek Dıdardyń densaýlyǵyna asa aýyr dərejede zııan keltirgeni qylmystyq iste rastaldy. Buǵan jəbirlenýshilerdiń, kýəgerlerdiń, sot-medıtsınalyq sarapshynyń jaýaptarymen dəleldendi. Sottalýshyǵa QR QK 106-babynyń 3-bóliminiń talaptaryna sáıkes 9 jyl, 194-babynyń 106-babynyń 3-bólimi boıynsha 4 jylǵa bas bostandyǵynan aıyrýyńyzdy suraımyn», - dedi protsessýaldy prokýror Jaraspaev Tólegen.
Óz kezeginde qorǵaýshy Toıbek Joldasov tergeý jumystarynyń shala júrgizilgenin aıtyp qarsylyq bildirdi.
«Meniń qorǵaýymdaǵy adamnyń bul qylmysty jasaǵany kúmən týdyrady. Sebebi, ol eshkimdi qorqytyp aqsha alǵan joq. Jəbirlenýshilerdiń eshqaısysy Asamovtan qorqamyn degen joq. Sondyqtan ol qorqytyp aqsha aldy degen aıyp rastalmady. Asamovtyń qasaqana densaýlyqqa zııan keltirgeni de dəleldengen joq. Jəbirlenýshilerdiń jaýaby jalpylama boldy. Sondaı-aq 106 baptyń 3 bólimi boıynsha qylmystyń quramy tolyq rastalmady dep sanaımyn»,- dedi Toıbek Asamov.
Aıta keteıik, qaıǵyly oqıǵa 12 sáýirde QazUAÝ jataqhanasynda bolǵan edi. Birinshi jáne ekinshi kýrsta oqıtyn 10-nan astam stýdent jataqhanada tóbelesip, sonyń saldarynan 17 jastaǵy Dıdar Bolysbek qaza bolǵan edi. Keıinirek polıtsııa atalǵan oqý ornynyń 2-kýrsynda oqıtyn 2 stýdentti ustady. Sot aldynda olardyń bireýi ǵana - Toıshybek Asamov jaýap berýde.
Oǵan QR QK 106-babynyń 3-bóligi (adam densaýlyǵyna qasaqana aýyr nuqsan keltirý), QR QK 194-babynyń 1-bóligi (kúshtep múlkin tartyp alý) boıynsha aıyp taǵylyp otyr.
