Prokýror Qaırat Boranbaevty 8 jylǵa bas bostandyǵynan aıyrýdy surady

ASTANA. QazAqparat – Prokýror Qaırat Boranbaevty 8 jylǵa bas bostandyǵynan aıyryp, múlkin tárkileýdi surady, dep habarlaıdy QazAqparat tilshisi.

Búgin elordanyń Saryarqa aýdandyq №2 sotynda Qaırat Boranbaevqa qatysty qylmystyq isti qaraý jalǵasty.

«Qaırat Boranbaevty Qylmystyq kodekstiń 28-babynyń 5-bóliginde (qylmys jasaýǵa járdemdesý), atalǵan baptyń 2-tarmaǵynyń 189-bóliginiń 4-bóliginde (jymqyrý nemese bógdeniń múlkin asa iri mólsherde urlaý), sonymen qatar 218-baptyń 3-bóligine sáıkes qylmystyq jolmen iri kólemde aqsha jáne múlik ıelengeni úshin kináli dep tanýdy suraımyn. Oǵan QR Qylmystyq kodekstiń 28-baby, 5-baby jáne 4-baptyń 189-bóligi boıynsha jaza taǵaıyndalsyn. ıAǵnı ómir boıy memlekettik qyzmet, Qarjy naryǵy men qarjy uıymdaryn retteý men baqylaý jáne qadaǵalaý jónindegi ýákiletti organda, memlekettik uıymdar men kvazımemlekettik sektor sýbektilerinde laýazymdardy atqarý quqyǵynan aıyra otyryp, 8 jyl bas bostandyǵynan aıyrý jáne 218-baby 3-bóligi boıynsha múlikterin tárkileý suralady», - dedi memlekettik aıyptaýshy, prokýror Aıjan Aımaǵanova sotta.

Sondaı-aq, memlekettik aıyptaýshy Q. Boranbaev jazasyn ortasha qaýipsizdik qylmystyq-atqarý júıesi mekemesinde óteý rejımin taǵaıyndaýdy surady.

«Q. Boranbaevqa qatysty qamaýda ustaý túrindegi bultartpaý sharasy burynǵydaı qaldyrylsyn. Boranbaevty qamaýda ustaý ýaqyty 15 naýryzdan bastap úkim zańdy kúshine engen kúnge deıin 1,5 kún bas bostandyǵynan aıyrý úshin 1 kún esebinen jaza merzimine esepteýdi suraımyn. Oǵan tıesili jyljymaıtyn múlikke jáne aqshalaı qarajatqa salynǵan tyıym múlikti tárkileýge jáne oǵan qatysty basqa qylmystyq isti tergeýge baılanysty sol kúıinde qaldyrylsyn», - deıdi prokýror.

Odan bólek, sotta Qylmystyq kodekstiń 49-babyna sáıkes Q. Boranbaevqa (arnaýly, áskerı ataq-dárejeleri, sheni men dıplomatııalyq dárejesinen, biliktiligi jáne memlekettik ataqtarynan aıyrý) berilgen memlekettik nagradalardy keri qaıtarýda suraldy. Olardyń qatarynda «Qurmet», «Eren eńbegi úshin», «Parasat» jáne úshinshi dárejeli Barys ordeni bar.

Aıta ketsek, Astanada Qaırat Boranbaevqa qatysty sot otyrysy byltyr jeltoqsanda bastalǵan edi.

Esterińizge sala keteıik, Qarjylyq monıtorıngi agenttigi Qaırat Boranbaevtyń ústinen kvazımemlekettik sektorda asa iri kólemde qarajat jymqyrý faktisimen is qozǵap, ızolıatorǵa qamaǵan bolatyn.

Keıin Qaırat Satybaldy men Qaırat Boranbaevtyń syrtqa zańsyz shyǵarylǵan aktıvteri qaıtaryla bastaǵany habarlandy.