Prokýror Gelandewagen júrgizýshisin 8 jylǵa bas bostandyǵynan aıyrýdy surady
ALMATY. QazAqparat - Almatyda úsh adamnyń ómirin jalmaǵan jol apatyna aıypty Іlııas Kar 8 jylǵa bas bostandyǵynan aıyrylýy múmkin. Bul týraly búgin sotta belgili boldy, dep habarlaıdy QazAqparat tilshisi.
"Bul is aıaqtalýǵa jaqyn qaldy. Іlııas Kar mas kúıinde kólik aıdap, úlken jyldamdyqpen kele jatyp jol apatyna ushyrady. Karǵa qatysty barlyq aıyptaýlar sot tergeýi kezinde dəleldendi. Alkogoldi ishimdik ishkeni de anyqtaldy. Іlııas Kardy jol apatyna aıypty dep taýyp, 8 jylǵa bas bostandyǵynan aıyrýyńyzdy suraımyn",- dedi prokýror.
Sonymen qatar, memlekettik aıyptaýshy ony 7 jylǵa kólik aıdaý quqyǵynan aıyrýdy surady.
Іlııas Kar zardap shekken úsh taraptyń materıaldyq shyǵyndaryn ótegen. Sottalýshy taraptardyń suraǵan 10 mln teńge moraldyq ótemaqysynyń ornyna 1 mln teńgeden ǵana bere alatynyn aıtqan.
Sonymen qatar, mert bolǵan Baqytnur Kunapııaulynyń baýyry men Aızada Satybaldıevanyń kúıeýi Baqyt Bedelhan Іlııas Kardy bas bostandyǵynan aıyrmaýdy surady.
Aıta ketý kerek, qaıǵyly oqıǵa 29 jeltoqsanda bolǵan edi. https://kaz.inform.kz/news/almatyda-zhol-apatynan-tanymal-aktrisa-koz-zhumdy_a3482907
Abaı men Seıfýllın kósheleriniń qıylysynda Mersedes Gelandewagen jáne Mitsubishi Galant kólikteri soqtyǵysqan bolatyn. Mersedes Gelandewagen kóligi baǵdarshamnyń qyzyl túsine ótip ketken. Jol apatynan 3 adam - Mitsubishi Galant júrgizýshisi men eki jolaýshy kóz jumdy. Olardyń arasynda belgili aktrısa Sholpan Elgezek bar.
Keıin belgili bolǵandaı, 34 jastaǵy Gelandewagen júrgizýshisi kóligin mas kúıinde júrgizgen.
«Mercedes Gelandewagen» markaly avtomobıl júrgizýshisi, 1985 jyly týǵan Kar Іlııas QR QK 345-baby men 347-baby boıynsha sot aldynda jaýap berdi.
Aıta keteıik, atalǵan jol apatynan aman qalǵan jalǵyz jolaýshy - aktrısa Aızada Satybaldıeva qabyrǵalary synyp, aýyr halde aýrýhanaǵa túsken bolatyn. Eki aptadan soń aktrısanyń beti beri qarap, úıine shyǵaryldy.
