Prokýror Ǵabdýlındi sot zalynan bosatýdy surady

ASTANA. QazAqparat - Búgin Astana qalalyq qylmystyq ister jónindegi mamandyrylǵan aýdanaralyq sotynda «CentralAsiaMonitor» basylymynyń bas redaktory jáne «Radiotochka.kz» dırektory Bıgeldi Ǵabdýllıniń isi boıynsha jaryssóz boldy, dep xabarlaıdy QazAqparat tilshisi.

Prokýrordyń aıtýynsha, osy ýaqytqa deıin sotta qaralǵan materıaldar boıynsha Ǵabdýllınniń kinási dáleldendi. Ol ózi de óz kinásin moıyndap otyr.

«Osyǵan baılanysty bes jylǵa deıin bas bostandyǵyn shekteý jazasyn belgileýdi suraımyn. Osy ýaqyttyń ishinde oǵan arnaıy organnyń ruqsatynsyz turaqty meken-jaıdy ózgertýge, shetelge shyǵýǵa, basqa jerlerge barýǵa, sondaı-aq buqaralyq sharalarǵa qatysýǵa bolmaıdy. Qamaýǵa ustaý sharasyn ózgertip, sot zalynan bosatýdy suraımyn»,- dedi prokýror Álibek Aıtjanov. Sondaı-aq ol Ǵabdýllınge tıesili ıúlikti qaldyrýǵa bolatynyn jetkizdi.

Óz kezeginde Bıgeldi Ǵabdýllın atalǵan jazaǵa qarsy bolǵan joq. Sot óz sheshiminiń erteń, qańtardyń 24-i kúni shyǵarady.

Aıt keteıik, buǵan deıin ótken otyrysta Bıgeldi Ǵabdýllınniń múlki jarııalanǵan bolatyn.
CentralAsiaMonitor-dyń bas redaktory ári Radiotochka.kz dırektory Bıgeldi Ǵabdýllın Astana qalasy Almaty aýdandyq №2 sotynyń sanktsııasymen  tutqynǵa alynǵan. Ol «Central Asia Monitor» jáne «Radiotochka.kz» buqaralyq aqparat quraldarynyń paıdasyna bıýdjettik qarjyny alý úshin bopsalaý áreketine bardy dep aıyptalyp otyr.