Prokýror eki qylmyskerdi qarýsyzdandyrdy
ASTANA.KAZINFORM - Batys Qazaqstan oblysy Oral qalasy prokýratýrasynyń bólim prokýrory Jandos Qýanyshbekov 30 qańtarda keshki ýaqytta «Qaýipsiz óńir» jobasy aıasynda qalada reıdtik sharalar kezinde, belgisiz azamattyń kómek surap aıqaılaǵan daýysyn estip, dereý oqıǵa ornyna barǵan.
Oqıǵanyń mán-jaıyn anyqtaǵan soń, ol jedel túrde eki adamdy quryqtap, polıtsııa shaqyrǵan. Prokýrordyń shuǵyl áreketi nátıjesinde qylmyskerler ustalyp, polıtsııaǵa tapsyryldy. Jeke tintý barysynda kúdiktilerdiń birinen esirtki zattary tabyldy.
BQO prokýratýrasy málimetinshe, qazirgi ýaqytta zańsyz bas bostandyǵynan aıyrý, bopsalaý jáne esirtki zattaryn saqtaý faktileri boıynsha sotqa deıingi tergep-tekserý júrgizilip jatyr.
Kúdiktilerge qatysty sottyń sanktsııasymen «kúzetpen ustaý» túrindegi bultartpaý sharasy qoldanyldy.
Kórsetken batyldyǵy úshin Jandos Qýanyshbekovti Polıtsııa departamenti vedomstvolyq medalmen jáne baǵaly syılyqpen marapattady.
Aıta keteıik, elimizdiń Bas prokýratýrasy Epshteın isi boıynsha tekserý bastady. Bul týraly Bas prokýror Berik Asylov aıtty.