Prokýror burynǵy vıtse-mınıstr Erlan Qojaǵapanovqa 7 jyl jaza surady
ASTANA. KAZINFORM — Elordada burynǵy Mádenıet jáne sport vıtse-mınıstri Erlan Qojaǵapanov pen SUCCESS K agenttiginiń bas dırektory Lázzat Kókkózovaǵa qatysty qylmystyq is boıynsha sot tergeýi aıaqtaldy. Taraptar jaryssóz kezeńine ótti.
Jaryssóz barysynda prokýror Erlan Qojaǵapanovqa 7 jyl bas bostandyǵynan aıyrý jazasyn taǵaıyndaýdy surady. Sonymen qatar burynǵy mınıstr orynbasary Erlan Qojaǵapanovty memlekettik nagradalar men ataq-dárejesinen aıyrý týraly Prezıdentke usynys engizýdi usyndy.
Al ekinshi aıyptalýshy Lázzat Kókkózovaǵa prokýror 8 jyl bas bostandyǵynan aıyrý jáne múlkin tárkileý túrindegi jaza taǵaıyndaýdy surap otyr.
Odan bólek búgingi sot otyrysynda baǵalaý salasynyń mamany júrgizgen qosymsha esepteýler usynyldy. Qorǵaý tarapy bul materıaldardy qatań synǵa alyp, baǵalaýshyny isten shettetýdi talap etti.
Eske salaıyq, byltyr 1 naýryzda Sybaılas jemqorlyqqa qarsy qyzmet Mádenıet jáne sport eks-vıtse-mınıstrin aýyr jemqorlyq qylmys jasady degen kúdik boıynsha ustady.
Antıkordyń aqparatynsha, ol 2018 jyly Petropavl qalasynda Qazaqstan Respýblıkasy men Reseı Federatsııasynyń XV óńiraralyq yntymaqtastyq forýmynyń kórmesin uıymdastyrý boıynsha shart jasasýdy qoldaǵan.
Bıyl naýryzdyń sońynda Antıkor atalǵan is boıynsha tergeý amaldary aıaqtalǵanyn habarlady. Sondaı-aq sot qorǵaýshy jáne aıyptaýshy taraptyń ótinishin qarastyrǵannan keıin qylmystyq is boıynsha elordalyq baǵalaýshylar palatasynyń mamanyn tartý týraly qaýly shyǵardy.
Kezekti sot barysynda mamandar 2018 jyldaǵy forýmdy uıymdastyrý jáne ótkizý úshin usynylǵan taýarlar men qyzmetterdiń naryqtyq qunyn baǵalaıtyny aıtyldy.
Keıin Erlan Qojaǵapanovtyń isi boıynsha 2018 jylǵy forýmǵa jumsalǵan shyǵyndy tekseretin baǵalaýshy taǵaıyndaldy.
Sondaı-aq sot otyrysynda burynǵy vıtse-mınıstrdiń advokaty qylmystyq isti toqtatýdy suraǵan edi.
2 mamyrda sýdıa burynǵy vıtse-mınıstr Erlan Qojaǵapanovqa qatysty sot tergeýi aıaqtalǵanyn habarlady.
Artynsha E. Qojaǵapanov isine qatysty sot tergeýi qaıta jalǵasty.