Prokýror Aızat Jumanovanyń kúıeýin 15 jylǵa bas bostandyǵynan aıyrýdy surady
ASTANA.KAZINFORM - Aızat Jumanovanyń ólimine qatysty sot otyrysy Jetisý oblystyq mamandandyrylǵan aýdanaralyq qylmystyq sotynda jalǵasty. Taraptar búgin qorytyndy sózin aıtady.
Prokýror Nurjan Bılıbekov aıyptaý aktisin oqyp, bylaı dedi:
- QR Qylmystyq kodeksiniń 99-babynyń 1-bóligine sáıkes, Aıbar Janbolatty ortasha qaýipsizdiktegi túzeý kolonııasynda 15 jylǵa bas bostandyǵynan aıyrýdy suraımyn. Sondaı-aq, sottalýshynyń sotqa deıingi qamaýda ustaý sharasyn kúshinde qaldyrýdy suraımyn. Qylmystyq kodekstiń 98-babynyń 2-bóligine sáıkes, sottalýshy jábirlenýshilerge eń tómengi aılyq jalaqynyń 30 esesi (117 060 teńge) kóleminde ótemaqy tóleýge jáne sot-medıtsınalyq saraptama shyǵyndaryn memleketke 690 329 teńge kóleminde óteýge mindetteldi.
Qaıǵyly oqıǵa 2025 jyly maýsymnyń 21-inen 22-sine qaraǵan túni Aqsý aýdanynyń Balasaz aýylynda boldy. Aızat Jumanova turmystyq janjal kezinde kúıeýiniń uryp-soǵýynan qaıtys boldy.
Esterińizge sala keteıik, sot Aızat Jumanovanyń ólimi týraly istiń onlaın translıatsııasyna ruqsat bermedi.
Sot otyrysynda jańa málimetter anyqtaldy.
Buǵan deıin marqumnyń anasynan jaýap alynǵan bolatyn.
