Prokýror Alfa bankti tonaǵandardy 8 jylǵa qamaýdy surady
ALMATY. QazAqparat - Búgin Almatyda «Alfa bank» ofısin tonaǵandarǵa qatysty sot otyrysynda jaryssóz ótti, dep habarlaıdy QazAqparat tilshisi.
Prokýror kúdiktilerdi 8 jylǵa bas bostandyǵynan aıyryp, múlkin tárkileýdi surady.
Sottalýshylar aıybyn tolyǵymen moıyndady.
Sot aldyndaǵy sońǵy sózinde Ivan Jýkov pen Maksım Beskıshkın kishkentaı balalarynyń baryn aıtyp, jazany jumsartýdy surady.
Sýdıa Baqytjan Bákirbaev atalǵan is boıynsha úkimdi 27 qyrkúıekte shyǵaratyn boldy.
Aıta ketý kerek, 27 maýsymda «Araı» turǵyn úı keshininde ornalasqan Alfa bank ofısi tonalǵan bolatyn.
Tergeý materıaldaryna sáıkes, kúdiktilerdiń biri bank qoımasyna kirip, tapansha tárizdes zatpen qyzmetkerlerdi qorqytyp, 65 mln 300 myń teńgeni alyp shyǵyp ketken.
Keıinirek banktiń burynǵy qyzmetkeri men kúzetshisi kúdikti retinde qamaýǵa alyndy. Maksım Beskıshkın men Ivan Jýkovqa qatysty QR QK192-baby boıynshy qylmystyq is qozǵaldy.
foto: Danııar Daýtalıev
