Prokýratýranyń reıdinen soń ShQO aýyldarynda joldar jóndelýde
Prokýratýra qyzmetkerleri buqaralyq aqparat quraldarynyń ókilderimen birlese otyryp, buryn jóndelgen joldarǵa reıd jumystaryn júrgizdi. Olar aýdan ortalyǵyndaǵy aýyldyq okrýgterdiń barlyǵyndaǵy kólikter men jaıaý júrginshilerge arnalǵan joldardy tekserip shyqty. Osy sharanyń izin ala merdigerler birden birneshe trassaǵa jóndeý júrgizdi.
Aýdannyń barlyǵy 55 km bolatyn 34 kólik júretin joldary men kósheler tekserildi. Tekserý barysynda merdiger uıymdardyń ózderine bekitilgen mindetterdi oryndamaǵandyǵyn aıǵaqtaıtyn birneshe fakti anyqtaldy.
Mysaly, Kúrshim aýylynda B.Momyshuly men Isabekova kóshelerinde asfalttyń durys tóselmegendigi jáne onyń saldarynan oıdym-oıdym jerlerdiń paıda bolǵandyǵy anyqtaldy. Júrgizilgen jóndeý jumystary barysyndaǵy kemshilikter Marqakól, Boran, Abaı, Aqbulaq, Tósqaıyń, Qalǵutty, Maraldy, Kúıgen aýyldarynda da tabyldy.
Baqylaýshy organ jiberilgen kemshilikterdi qalpyna keltirý jóninde usynym engizdi. Prokýratýra men aýdan ákimdigi birlesip júrgizgen jumystardyń nátıjesinde merdiger uıymdar osy ýaqytta-aq aýdan ortalyǵyndaǵy 12 kóshedegi joldy jóndep úlgerdi. Qazirgi tańda ózge aýdandardaǵy jol boıyndaǵy kemshilikterdi qalpyna keltirý sharalary júrgizilýde.