Prokýratýranyń narazylyǵymen Astana qalasy mamandandyrylǵan aýdanaralyq ákimshilik sotynyń is júrgizýdi qysqartý týraly qaýlysynyń kúshi joıyldy
ASTANA 5 qyrkúıek. QazAqparat - Astana qalasy mamandandyrylǵan aýdanaralyq ákimshilik sotynyń 2012 jylǵy 11 shildedegi qaýlysymen QR ІІM Dıplomatııalyq ókildikterdi qorǵaý jónindegi polıtsııa polki tehnıkalyq qyzmet tobynyń (budan ári - Polk) ınspektory
D.O.Ábilǵazınge qatysty Astana qalasy Almaty aýdany boıynsha salyq basqarmasyna 2011 jylǵa jeke tabys salyǵy týraly deklaratsııa tapsyrmaý faktisi boıynsha is júrgizý qysqartylǵan. Bul týraly Astana qalasy prokýratýrasynyń baspasóz qyzmeti habarlady.
Sot bul sheshimin QR Ákimshilik quqyq buzýshylyq týraly kodeksiniń (budan ári - ÁQtK) 35-baby 1-bóligine sáıkes D.O.Ábilǵazın ishki ister organynyń qyzmetkeri retinde tıisti quqyq qorǵaý organynda qyzmet ótkerý tártibin retteıtin normatıvtik quqyqtyq aktiler boıynsha jaýapkershilikke tartylýy tıis dep negizdeıdi. Osyǵan baılanysty D.O.Ábilǵazındi tártiptik jaýapkershilikke tartý týraly máseleni sheshý úshin ákimshilik is materıaldaryn Polkke joldaǵan.
Alaıda, sot QR ÁQtK 35-baby 2-bóliginde kózdelgen salyq zańnamasy erejelerin buzǵan adamdar jalpy negizde ákimshilik jaýapkershilikke tartylýy tıis degen talaptardy eskermegen.
Osyǵan oraı Astana qalasynyń prokýratýrasy atalǵan sot aktisine narazylyq keltirdi, Astana qalasy sotynyń uıǵarymymen atalǵan narazylyq tolyq qanaǵattandyrylyp, D.O.Ábilǵazın 100 AEK mólsherindegi aıyppul túrinde ákimshilik jaýapkershilikke tartyldy.
