Prokýratýranyń Quqyqtyq statıstıka jáne arnaıy esepke alý komıtetiniń qurylǵanyna 15 jyl toldy
ASTANA. 20 sáýir. QazAqparat - Búgin QR Bas Prokýratýrasynda Quqyqtyq statıstıka jáne arnaıy esepke alý jónindegi komıtetiniń qurylýynyń 15 jyldyǵyna arnalǵan saltanatty jınalys bolyp ótti.
Sharaǵa Qazaqstan Respýblıkasynyń Bas Prokýrory Ashat Daýylbaev, Joǵarǵy Sot Tóraǵasy Bektas Beknazarov, Ekonomıkalyq qylmysqa jáne sybaılas jemqorlyqqa qarsy kúres agenttiginiń Tóraǵasy Rashıd Túsipbekov jáne Іshki ister mınıstri Qalmuhanbet Qasymov qatysty.
Bas Prokýror óziniń quttyqtaý sózinde ár jyldary Komıtet basshylyǵynda bolǵan Bulytbaı Mamytov, Zarlyq Laqpaev, Ádilhan Aǵmanov, Rahmetolla Haırýllın, Georgıı Kım, Marat Ahmetjanov tárizdi tutas bir bilikti mamandar tobynyń jetekshiligimen elimizde álemde balamasy joq biregeı quqyqtyq statıstıkalyq júıe qurylǵanyn, ony qazir bizdiń sheteldik áriptesterimiz jete zerdelep, ózderinde qoldanyp jatqanyn atap ótti.
Komıtettiń qysqasha tarıhy men jetistikteri týraly Komıtet Tóraıymy Sáýle Aıtpaeva sóz sóıledi. Memlekettik organdardyń birinshi basshylary Komıtet aldynda turǵan jaýapty mindetterdi oryndaý jolynda odan ári jetistikter tilegen ystyq yqylastarymen jınalǵandar aldynda sóz sóıledi. Óz áriptesterin Ekonomıkalyq qylmysqa jáne sybaılas jemqorlyqqa qarsy kúres agenttigi Tóraǵasynyń orynbasary, 2009-2012 jyldar aralyǵynda Komıtetti basqarǵan Marat Ahmetjanov ta quttyqtady.
Bas Prokýrordyń jáne Komıtet Tóraıymynyń buıryqtarymen elimizdiń memlekettik quqyqytyq statıstıkasy júıesiniń damýyna eleýli úles qosqan 50-den asa qyzmetkeri marapattaldy. Minsiz qyzmetteri jáne óz mindetterin úlgili atqarǵandary úshin kóptegen qyzmetkerlerge vedomstvolyq marapattar tabys etildi.
Salatanatty shara Quqyqtyq statıstıka jáne arnaıy esepke alý jónindegi komıtettiń qurylý jáne damý tarıhyna arnalǵan derekti fılm kórsetýmen aıaqtaldy.
