Prokýratýranyń aralasýymen Astanadaǵy «Sport Injınırıng» kompanııasy jumyskerlerge 1 mln. teńgeden astam bereshegin ótedi
ASTANA. 30 qańtar. QazAqparat /Jasulan Joldybaev/ - «Sport Injınırıng» JShS óziniń qol astyndaǵy jumyskerleri aldyndaǵy 1 mln. teńgeden astam eńbekaqy bereshegin ótedi, dep habarlaıdy Astana qalasy prokýratýrasynyń baspasóz qyzmeti.
Astana qalasy «Esil» aýdanynyń prokýratýrasy «Sport Injınırıng» JShS jumyskerleriniń aryzy boıynsha tekserý júrgizgen.
Tekserý kezinde kompanııada óziniń 19 jumyskeri aldynda 1 228 000 teńge kóleminde eńbekaqy bereshegi bar ekendigi anyqtaldy. Prokýratýra JShS basshylyǵyna zańbuzýshylyqty joıý týraly uıǵarym engizip, onda bereshektiń dereý ótelýin talap etti.
Búgingi kúnde prokýrorlyq qadaǵalaý aktisi oryndalyp, jumyskerlerge bereshek tolyǵymen óteldi, osylaısha, olardyń konstıtýtsııalyq quqyqtary qorǵaldy.
Astana qalasy boıynsha baqylaý jáne áleýmettik qorǵaý departamentiniń málimetteri boıynsha, budan buryn atalmysh kompanııa eńbek zańnamasyn buzǵany úshin ákimshilik jaýapkershilikke tartylǵan bolatyn.
Alaıda, ýákiletti organ tarapynan qabyldanǵan sharalarǵa qaramastan, aryzdanýshylar talaptarynyń tolyǵymen qanaǵattandyrylmaýy olardyń prokýratýraǵa qaıta shaǵymdanýyna negiz boldy.
