Prokýratýranyń aralasýymen ekibastuzdyq jumysshylarǵa 20 mıllıon teńge jalaqy qaıtaryldy
PAVLODAR. KAZINFORM - «Ekibastuz elektr mashınalary zaýyty» JShS-nyń qyzmetkerleri jalaqy tólenbeý deregi boıynsha Ekibastuz qalasynyń prokýratýrasyna júgingen. Jalpy sany 100 adamǵa eńbekaqy ýaqytyly tólenbeı kelgen.
Bul týraly oblystyq prokýratýradan habarlady.
- Tekserý barysynda kásiporynda kórsetilgen qyzmetter úshin qarjylandyrýdyń bolmaýyna baılanysty qyzmetkerler aldynda bereshek qalyptasqany anyqtaldy. Prokýrorlyq qadaǵalaý aktisi boıynsha zań buzýshylyqtardy joıý sharalary qabyldandy. Nátıjesinde 100 qyzmetkerge jalpy somasy 20 302 336 teńge kólemindegi jalaqy bereshegi tolyq kólemde tólendi, - dep málimdedi quzyrly organnan.
Osylaısha qyzmetkerlerdiń eńbek quqyǵy qorǵalǵan. Al jumys berýshi zań buzǵany úshin ákimshilik jaýapkershilik arqalady.
Eske sala keteıik, Astanada prokýratýra bilim berý uıymyndaǵy zań buzý deregin anyqtady.
