Prokýratýrada, sottarda memleket múddesine ókildik jasaýdyń basym baǵyttaryna arnalǵan semınar ótedi
ASTANA. 22 sáýir. QazAqparat - Aǵymdaǵy jylǵy 25-29 sáýiri aralyǵynda Bas prokýratýra Instıtýtynda «Sottarda memleket múddesine ókildik jasaý jáne atqarýshy is óndirisin prokýrorlyq qadaǵalaýdyń basym baǵyttary» atty taqyrypta semınar ótedi.
Sharaǵa sotta memleket múddesine ókildik jasaıtyn oblys jáne oǵan teńestirilgen prokýratýralardyń sot qaýlylary zańdylyǵyn qadaǵalaý basqarmasynyń basshylary qatysatyn bolady. Bul týraly QazAqparat QR Bas prokýratýrasynyń baspasóz qyzmetine silteme jasap habarlaıdy.
«Tórt kúnge sozylatyn shara kezinde tyńdaýshylarǵa elimizge tanymal ǵalymdar, zańgerler, Joǵarǵy sot sýdıalary, ákimshilik sottyń sýdıalary sonymen birge, Bas prokýratýranyń salalyq bólimshe basshylary jáne Instıtýttyń sarapshylary dáris oqıdy. Prokýratýra organdary qyzmetkerleriniń biliktiligin arttyrýdy kózdeıtin semınardyń basty maqsaty - sotta memleket múddesine ókildik jasaý jáne sot shyǵarǵan úkimder men qaýlylardyń zańdylyǵyn prokýrorlyq qadaǵalaý salasyndaǵy ózekti máselelerdi talqylaý bolyp tabylady», - delingen baspasóz aıǵaǵynda.
Semınar jumystary aıaqtalǵan soń qorytyndy boıynsha onyń tyńdaýshylaryna arnaıy sertıfıkat tabys etiledi.
