Prokýratýra jylý tarıfiniń zańsyz kóterilýine jol bermedi

TALDYQORǴAN. QazAqparat - 2017 jyldyń basynan «Qarabulaqjylý» MKK Almaty oblysy Eskeldi aýdany Qarabulaq aýylyna jylý berý qyzmeti úshin tarıfti kótergen bolatyn. Osyǵan baılanysty Eskeldi aýdanynyń prokýratýrasy baǵa kóterýdiń negizdiligin jáne «Tabıǵı monopolııalar týraly» QR zańynyń saqtalýyn tekserdi, dep habarlaıdy QazAqparat tilshisi. 

Aýdandyq prokýratýranyń baspasóz qyzmetiniń habarlaýynsha, tekserister barysynda «Qarabulaqjylý» mekemesi tarapynan jylýmen qamtamasyz etý qyzmetin usyný boıynsha tarıfti negizsiz kóterýge jol bergeni anyqtaldy.

«Atap aıtqanda, Tabıǵı monopolııalardy retteý jáne básekelestikti qorǵaý komıteti Almaty oblysy boıynsha departamentiniń buıryǵyna sáıkes, kásiporynnyń tarıftik smetalar úshin bes paıyzǵa deıin qarajat jumsaý týraly baptyń oryndalmaı otyrǵany belgili boldy. ıAǵnı, kásiporyn QR Ulttyq banki bekitken 5,5 paıyz deńgeıindegi qaıta qarjylandyrý boıynsha 8 mln. teńgeden astam qarajatty osy baǵytta jumsaýy tıis bolatyn. Osyny eskere kele, aýdandyq prokýratýra zań buzýshylyqty joıý týraly usynym engizdi», - delingen baspasóz baıanynda.

Prokýrorlyq den qoıý aktisin qaraý barysynda «Qarabulaqjylý» MKK tarapynan tutynýshylarǵa keltirilgen shyǵyndy qaıtarýǵa nazar aýdaryldy. Osy maqsatta 2017 jyldyń 17 aqpanynan bastap ýaqytsha ótemaqylyq tarıf engizý qarastyryldy.

«Osylaısha «Qarabulaqjylý» MKK-nyń jylýmen qamtý tarıfteri 24,2% deıin tómendetilgen. Nátıjesinde myńnan astam azamattardyń quqyǵy qorǵaldy.