Prokýratýra jol polıtsııasy ınspektorlarynyń ákimshilik zańdylyǵyn buzý faktilerin anyqtady
ORAL. Aqpannyń 3-i. QazAqparat /Eljan Eraly/ - Oral qalasynyń prokýratýrasy BQO ishki ister departamenti jol polıtsııasy basqarmasy qyzmetin teksergen kezde kóptegen zańbuzýshylyqty anyqtady.
Oblys prokýratýrasynyń baspasóz qyzmetinen QazAqparat tilshisine habarlaǵanyndaı, jol polıtsııasy ınspektorlary ákimshilik zańdylyǵyn jıi buzyp otyrǵan. Máselen, ınspektor M.Qaısenov azamat J.Esenǵalıevke aıyppul salǵan kezde QR Ákimshilik quqyq buzýshylyq kodeksiniń talaptaryn durys qoldanbaǵan. Sol sekildi ınspektor J.Ótebaev «Jaras» sharýa qojalyǵyna tıesili «KamAZ» avtokóligin arnaıy turaqqa zańsyz qoıǵan.
Qala prokýratýrasynyń tekserýine baılanysty jol polıtsııasy basqarmasyna uıǵarym berilip, soǵan sáıkes 24 jol polıtsııasy ınspektory túrli tártiptik jaýapkershilikke tartyldy.
